2020年11月26日 

傳秘撻王菀之已婚叔仔 容祖兒即落閘

2019-08-27 (週二)

現年39歲的容祖兒今年初直認回復單身,至昨日終於傳出新戀情,惟對象竟是已婚的王菀之叔仔Gavin So,兩人更被爆7月同遊東京!不過消息傳出後,容祖兒卻堅稱雙方是兄弟,仲斬釘截鐵稱:「絕對冇發展機會!」

容祖兒於今年初正式承認跟劉浩龍分手,回復單身後一直未有着落,直至昨日,她忽然被爆秘撻已為人夫的王菀之叔仔Gavin So,早前祖兒於紅館開騷時,Gavin更幾乎晚晚現身撐場,儼如半個男主人!據悉早於上月11日,兩人已出發同遊東京4日3夜,有傳媒則於14日拍得他們在機場前後腳出閘;回港翌日,雙方又急不及待約食飯,當晚,戴口罩和漁夫帽遮樣的祖兒,鬼鬼祟祟尾隨Gavin走入中環一棟商業大廈,逗留約3個多小時後,二人才一起登上7人車離開。

傳與太太感情亮紅燈
事實上,Gavin早於兩年前已跟湯怡傳緋聞,惜英皇高層霍汶希澄清兩人只是跑步腳,又透露男方是有婦之夫,仲有一個兒子,不過,後來就有傳他與太太感情亮紅燈,未知是否因此才醞釀出「蘇兒戀」。對此,祖兒昨日回覆傳媒時例牌否認,她笑謂:「啱啱瞓醒就嚇親啦,Gavin是我其中一個兄弟,真係唔好意思,又拖咗另外一位兄弟落水,我哋都係一班朋友一齊玩,我哋絕對冇發展嘅機會⋯⋯我依家係Single,絕對開放歡迎大家有好嘢介紹畀我。」Gavin亦透過電話否認跟對方去日本旅行,追問是否已婚人士?會否擔心緋聞影響家人?他則謂:「呢啲唔答啦。」