2020年11月24日 

「偽毒」之蛻變 吳業坤

2019-01-21 (週一)

吳業坤憑着《超級巨聲2》入行,多年來都離不開「偽毒」、「宅男」的形象,已經兩年沒有出碟的他一直忙於拍戲,對於即將快要踏入3字頭,他希望能一改昔日的形象,讓觀眾和歌迷看到自己有所成長,成為不一樣的吳業坤。

撰文:卓妙燕
採訪:Ava Yu
攝影:ChaseK
服裝 :American Eagle Outfitters / COS
場地:Neway

吳業坤(坤哥)事隔兩年多再推出新歌《神不守舍》,藉着新歌重拾當年暗戀的感覺,「首歌係講暗戀嘅情懷,但係苦中作樂,呢個就係講緊暗戀嘅美妙、美好!一個咁簡單咁純真嘅一個年代,暗戀個感覺係點樣呢,所以就特登用學生去做呢件事。」
回味暗戀滋味
坤哥在新歌MV中扮演學生哥,坤哥笑言是為了滿足一己私慾,從中去體驗嚮往已久的日本校園生活,他說:「由細到大都覺得日本校園生活好吸引,細個都睇好多動漫同日劇,好想試吓,所以就選擇去實境拍攝!大家可能睇到好多日本體育館、課室、走廊、樓梯,好多呢啲情節會出現,最特別係日本嘅天台,上到天台一望無際!」
學生時期的坤哥又點會未試過暗戀喜歡的女孩,而今次的新歌相信令他重拾不少回憶,「初戀、曖昧,接近一齊嗰種感覺,我諗每個人都一定試過嘅,做學生冇咩煩惱會好投入去愛情入面,你咩都唔識嘅時候只可以靈魂出竅。成首歌都係暗戀,冇付諸行動,會不斷諗住個女仔,嗰種情竇初開嘅感覺。」新歌的風格與以往不同,今次終於不再是唱失戀兵哥了,坤哥坦言:「我覺得兵哥唔需要多,兵嘅心情都係一種啫,得唔到嘅愛,你繼續寫一百隻都係無意思。換湯不換藥,不如做啲新嘢啦!」
多元化音樂
被網友標籤為「偽毒男」,坤哥說:「當係我嘅轉變期囉,嗰時真係宅啲嘅!唔宅同唔毒啦,再期待新嘅階段囉。」快將30歲的坤哥希望能搣甩「偽毒」、「宅男」的形象,「想改變形象,唔係話一到30歲就變咗另一個人,應該由呢年起去準備自己,去做Gym、學唱歌,學其他嘢令我30歲真係會變咗另一個人。」坤哥希望未來更能有機會開小型巡迴演唱會與歌迷們見面,「希望細細哋,咩場地都無所謂,因為我覺得唱Live好緊要,畀人聽到唱Live係最真實嘅交流。」
作為一個歌手最希望能多嘗試各式的曲風,不停進步,所以新碟《Keep Going》都跟以往有所不同,「我覺得一個歌手唔可以只係做一類型嘅歌曲,我希望大家聽呢隻碟嘅時候會覺得吳業坤大個咗、唔同咗呢種感覺,所以呢隻碟會有好多新嘅嘢,大家可能未聽過,亦都希望大家可以擴闊自己嘅耳仔。」看着很多歌手參加不同的歌唱比賽,如果有機會坤哥也想一試,「冇可能淨係喺香港去做晒所有嘢,一定要去見識其他嘢,我都想有多啲舞台去展現自己!」