2020年12月5日 

何超蓮爆媽咪 心急見「女婿」竇驍

2019-05-06 (週一)

賭王何鴻燊三房千金何超蓮與內地男神竇驍於上月底公布戀情,前晚她出席活動時認已拍拖一段時間,媽咪亦叫她帶男友回家「見家長」,何超蓮冧爆直言:「鍾意有上進心男仔。」
何超蓮於上月底高調認戀30歲的內地男神竇驍,她前晚現身品牌活動時,被問到何時開始戀情?是否已拍拖半年?超蓮僅答:「總之一段時間啦。(畀人影到先公開?)係,本來都冇話唔認,諗住畀人見到先公布。」又冧爆大讚竇驍好好,暫時未見家長,但媽咪有叫她帶男友回家食飯見面,自己稍後亦會向爸爸匯報。
談到本周四(9日)便28歲生日,問正日可會跟男友慶祝?正值熱戀期的超蓮全程甜笑道:「畀啲空間我哋啦,總之開心,多謝大家關心。(同男友二人世界?)唔好咁問啦,我怕醜,我都唔知呀。」雖然兩人分隔兩地,但她認為只要有心總會找到時間見面,並謂不介意男友跟異性拍親熱戲,超蓮說:「我唔會呷醋,做嘢緊要,我鍾意有上進心男仔,所以會尊重。」又直言已介紹竇驍給一向以「男、女朋友」相稱的好姊妹鄧紫棋(G.E.M.)認識,她表示:「G.E.M.都話呢個男友唔錯,佢都戥我開心,因為之前我冇拖拍,佢就做住我男友先,所以依家講笑變咗前男友。」
含春講電話
此外,當晚一班閨蜜又為超蓮搞了一個驚喜Karaoke生日P,有份出席的薛凱琪亦於社交網Po相,並指壽星女是「生日天使」,大讚對方心地善良。事後,超蓮在派對上冧講電話一幕亦被友人捕捉兼放上網,該名好友更踢爆留言:「電話裏是誰,好耐冇見過呢個樣。」估計電話另一方便是竇驍,難怪超蓮被老友取笑。