娛樂

2018年11月18日

2018/11/09 (週五) 12:00上午

黎明聞前妻即扮「聾」 樂基兒拒交流湊B心得

樂基兒日前欣然宣布懷孕,前夫黎明昨日出席活動時卻扮「聾」拒送祝福。對此,樂基兒現身另一個活動時,大方表示不介意,但謂家長之間不應作比較,更不會問對方意見。

現年51歲的黎明(Leon)於今年4月才榮升爸爸,獲年輕19歲的女助手Wing誕下一名小公主,另一邊廂,去年再婚的前妻樂基兒(Gaile)亦於周二(6日)宣布懷孕3個多月,預產期為明年4、5月,認真喜事連連!
不過,Leon昨日以名譽副會長身份出席公益金50周年活動,全程滿面笑容的他,雖然向台下市民派朱古力金幣有講有笑,但被問到會否向前妻Gaile送上祝福時,他即充耳不聞繼續派金幣,最後更未有做訪問便離開。
曾隆胸不影響餵母乳
而Gaile於中環出席另一品牌活動時,大方表示:「It’s Fine,唔可以Expect每個人都會回應人哋嘅嘢。(會否交流湊B心得?)自己之前上咗產前護理,學到兩點NO,家長之間唔可以比較,亦唔會問其他人意見。」她表示希望生女,但要下周才知BB性別,又稱想舒服一點水中分娩。提到曾經隆胸又拆彈,她則謂不會影響餵哺母乳:「過咗咁耐,依家科技咁昌明,唔會怕影響,不過都未生,未知有冇(奶水)。」