娛樂

2017年9月23日

2017/09/14 (週四) 12:00上午

黃翠如 嬲袁偉豪有新歡

黃翠如、袁偉豪及廖碧兒等昨日於又一城出席護膚品牌活動,席間袁偉豪試用潤手霜時,黃翠如乘機取笑蜜運中的袁偉豪笑說:「你依家好潤!」曾經陪過男方走過低谷的她,仲話對方有新戀情都唔單聲,感到嬲嬲豬喎!

因為合作拍劇集《使徒行者2》而成為好友的黃翠如與袁偉豪,昨日出席護膚品牌宣傳活動,席間翠如笑袁偉豪現時生活很滋潤,而男方亦閃爆指女友張寶兒的確能滋潤到他,並謂:「除咗我畀佢(張寶兒)滋潤外,佢都好識護膚。」問到是否已見家長?他坦言:「見過一次,有次我有演出,我邀請佢嚟睇,節日可以食飯聯誼吓。」
旁邊的翠如聞言即恭喜對方有拖拍,袁偉豪就自爆:「佢嬲我,因為翠如喺我失意時陪住我,上年拍劇時,大家日日見,成日都同我傾偈,但佢嬲我識新朋友都冇同佢講。 」