即時

2019年6月27日

2017/10/10 (週二) 01:00上午

黃心穎 恨做PTGF

黃心穎、張振朗及龔嘉欣等昨日為無綫新劇《堅離地愛堅離地》試造型,在劇中飾演PTGF(兼職女友)的黃心穎以女僕造型現身,她笑言:「之前冇聽過PTGF呢Terms,原來掂吓都要收錢,早知我都試吓做!」

無綫新劇《堅離地愛堅離地》的一班演員,昨日於將軍澳電視城試造型,黃心穎、張振朗、龔嘉欣及陳智燊等都有出席,其中扮演PTGF(兼職女友)及KOL的黃心穎話之前並不知道甚麼是PTGF,她笑言:「原來樣樣都要收錢,好似掂一掂,或者影張相都要收錢,我就諗點解我唔早啲認識呢個工作,我都可以試吓做 。」問到馬國明有否看過她的女僕造型,黃心穎說:「冇喎!(佢鍾唔鍾意制服造型?)唔知喎,你問佢啦。其實角色最難係要嗲人,自己太過粗豪。(嗲吓馬國明練習?)佢就想,哈哈!」

而張振朗與龔嘉欣在新劇中再演一對,飾演宅男的張振朗話望能帶給觀眾刺激感,問兩人可有牀戲?龔嘉欣笑謂:「未知,不過張振朗喺劇入面好宅,唔鍾意畀人掂,一掂佢就會有反應。」問到邊度有反應?張振朗陰陰笑謂:「一掂我個拳頭就會硬。」

;