娛樂

2018年8月22日

2018/02/14 (週三) 12:00上午

黃子華捧C君做接班人

組合農夫的陸永同C君平時發揮搞笑本色,除了成為觀眾寵兒,亦得到圈中前輩賞識。C君在電影《棟篤特工》與偶像黃子華合作,前晚首映禮上,想不到竟是黃子華與佘詩曼激讚C君,黃子華更指他絕對可以成為自己和鄭裕玲的接班人。

電影《棟篤特工》前晚舉行首映,黃子華、佘詩曼(阿佘)及C君一同接受訪問,有人問子華覺得C君可否做自己接班人,他即激讚說:「嘩!佢點止接我呀?佢接埋DoDo(鄭裕玲),接晒所有人!我哋求之不得,有佢同陸永我哋可以休息,C君唔止鍾意幕前,佢仲鍾意做埋幕後,希望下套戲佢做埋幕後,捧紅我同阿佘。」C君即問:「即係要我投資呀?」子華表示:「你去問DoDo啦,佢好多錢投資。」其間他又向C君示愛,直言鍾意對方去到盲目的程度。阿佘被問到鍾唔鍾意C君時,她笑笑口搣對方塊面,並謂:「梗係鍾意啦,佢咁可愛,人又好、口才又好、戲又好,係大汗啲啫。」
同場亦有張繼聰,早前其妻子謝安琪(Kay)因流感疫苗錄音而捲入風波,他護妻指Kay在私人場合的錄音並非要呼籲甚麼,深信每個人對醫學都可以有自身看法。今次事件亦令他反思,張繼聰表示:「原來唔係專業就唔可以討論一啲嘢?如果社會係咁,咪冇人會寫評論?18歲前基本上冇人係專業。 」他希望大家即使面對權威,都能分析及提出問題。