娛樂

2017年12月14日

2017/04/21 (週五) 12:00上午

驚喜現身 劉德華坐輪椅拍片 《拆彈》兄弟撐柺杖打氣

新戲《拆彈專家》前晚舉行首映,雖然主角劉德華因早前墮馬受傷而缺席,但他特地拍了一段短片支持,即使現在仍需坐輪椅並且聲沙沙,但見劉德華精神不錯,眾演員都大感鼓舞,更在後台發起一人一柺杖行動,好齊心呀!

邱禮濤執導、劉德華監製及主演的電影《拆彈專家》前晚首映,吳卓羲、姜皓文(黑仔)及黃日華等均有現身。盆骨受傷的華仔近日能靠柺杖站立,儘管未能出席首映,但仍有心地拍片支持,坐在輪椅上的他說:「宣傳唔係你想宣傳就宣傳得,要上天批准,今次個天要我休息一輪,希望我可以精精神神咁見到大家。喺套戲有句嘢叫『用生命保護生命』,嚟緊有一班我嘅手足會為我將宣傳責任做咗。」他又特別向邱禮濤說:「我會好快跑跑跳跳、談談笑笑又出現!」
台前幕後眾人都被華仔敬業的精神感動,總動員撐柺杖合照,以表跟華仔行動一致撐新戲。吳卓羲直言華仔是自己的偶像,但有點心痛他永遠只報喜不報憂,而黑仔就讚「華神」依舊靚仔,祝他早日康復。華仔得知劇組的心意後,在官網留言回應:「鐵一般的兄弟,你們太可愛了!一直有你們撐,現在觀眾又撐!《拆彈專家》大賣!」

http://www.awc618.com