即時

2019年6月18日

2017/09/26 (週二) 01:05上午

馬清儀因癌逝世 終年64歲

首屆《健美小姐》冠軍馬清儀於本月7日因癌病逝世,終年64歲。其胞弟馬清偉與馬清揚昨日親證胞姐的死訊,並已於本月18日出殯。對此,同屆的健美小姐劉美娟、梅小惠等亦紛紛感到惋惜。

無綫於85年舉辦首屆《健美小姐》選舉,當時以32歲高齡參賽的富二代馬清儀,被傳為內定人選,最終大熱的林河廷、劉美娟分別屈居亞軍及季軍,馬清儀則爆冷贏得冠軍!其後,馬清儀順理成章加入無綫拍劇,較為人熟悉的作品包括《孖仔孖心肝》、《真情》、《花木蘭》、《天龍八部》等,當中尤以扮演「巴辣貴婦」令人印象最深刻。

胞弟證死訊

然而昨日刊登的訃聞,指馬清儀於本月7日在嘉諾撒醫院離世,終年64歲,並已於本月18日出殯。事後,胞弟馬清偉透過電話向傳媒親認胞姊的死訊,稱馬清儀因癌症病逝,他說:「係咩癌就唔想講,由發現到過身都好快。(姐姐有冇心願未了?)佢個人好樂觀開心,都冇乜遺憾。」至於細佬馬清揚則透露馬清儀於6個月前已跟癌症搏鬥,他說:「姐姐喺6個月前已經同癌症搏鬥,佢嘅願望係想保持低調,想同家人度過,但不幸喺9月7日與世長辭,安詳離開。」並謂對方已用佛教儀式火化安葬,骨灰會擺放在馬清儀的家中。

值得攞冠軍

得悉噩耗後,同屆參選《健美小姐》的梅小惠亦大感愕然,她直言很尊敬馬清儀,對方是個有禮貌和修養的人:「我人生最難忘嘅一個階段係同佢一齊過,因為當年選《健美小姐》,我係同佢分埋同一組,當時我乜都唔識,係佢教咗我好多嘢,由始至終佢喺我心目中,係一個絕對應該得到冠軍嘅人。」劉美娟則大嘆可惜又憶述:「當年參賽者得佢係一身肌肉,而我當年年紀細,連運動器材都唔係部部識用,佢都會教我,仲話假想敵得一個,就係我,當然都係一啲互相鼓勵嘅說話,我哋相處得好好。」

;