娛樂

2018年7月18日

2018/07/13 (週五) 12:00上午

馬國明認孖黃心穎 夾錢買訂情戒指

馬國明(馬明)與黃心穎近來打得火熱,人前人後都攞正牌放閃。二人拍拖都一段時間,相信大家都開始關注他們的婚期!向來孝順的馬明一向都愛錫家人,曾講明結婚後都會與家人同住,但昨日有報道指黃心穎想獨佔馬明,成功說服男友買樓,另築愛巢,更指二人連訂情戒都買埋。不過,當兩人被影到拍拖時,馬明見有記者影相,竟刻意將戴戒指的手插入褲袋。對此,馬明接受傳媒訪問時謂:「未傾到結婚呢個話題,心穎仲後生,佢想喺事業上努力先,都冇去諗婚後係咪同父母一齊住。」說到他被指買了20萬定情戒很肉赤時,馬明笑言:「唔會啊,首先唔係咁多錢,而且我哋係夾錢買,大家唔好誤會佢成日使我錢,佢都搵到錢,係用自己錢買!」馬明下下都護住女朋友,果然好仔,難怪令心穎咁傾心!