即時

2018年7月18日

2018/07/13 (週五) 01:30上午

陳瀅自爆桃花旺各地都有人追

陳瀅昨日與胡子彤出席手錶發布會,現場有3位模特兒穿上比堅尼示範,問到她為何不以泳衣上陣,她笑說:「我身高唔達標準,又矮又冇腹肌!」陳瀅又提到最近常去滑水,見身邊朋友都是一雙一對去,只得她形單影隻,但就自爆最近桃花大旺,她說:「都係爛桃花,之前去紐約、溫哥華同蒙特利爾,都有外籍男士追我,講到對我一見鍾情咁,我就唔多信,冇開花結果,都冇試過畀『鬼仔』追。 (於加拿大讀書都冇?)當時係得馬來西亞、泰國同菲律賓人追我,可能我當年比較黑,箍牙又戴眼鏡。」