娛樂

2017年12月13日

2017/10/13 (週五) 12:00上午

陳奕迅開騷 寸爆徐濠縈唔睬人

早前推出全新國語專輯的陳奕迅,前晚於旺角麥花臣場館舉行首場音樂會,其間,他於台上大讚太太徐濠縈好好,不過後來又爆對方唔睬人,真係唔知好嬲定好笑!

陳奕迅(Eason)前晚假旺角麥花臣場館展開一連兩場的《Eason says C’mon in~Tour》音樂會,一眾圈中好友梁漢文夫婦、郭偉亮夫婦、趙學而等,以及太太徐濠縈亦紛紛現身支持。席間,除了唱出碟中的新歌外,Eason又不忘獻唱《超人的主題曲》等Hit爆廣東歌,令現場氣氛升溫!
有「吹神」之稱的Eason,又點會只唱歌唔講嘢呢!其間,更兜個圈讚老婆是個好好的榜樣,他說:「以下呢首歌都係好好嘅,就好似我太太咁。」然後唱出《人生馬拉松》。而當觀眾大叫希望多見偶像時,Eason即抵死回應:「想見咪嚟我屋企囉,不過要問我老婆先,佢唔睬人㗎,死啦!加重咗佢形象㖭,其實佢連我都唔係咁睬,講笑啫!咪咁認真。」
騷後受訪時,提到今次音樂會的門票被炒至7,000蚊一張,場外更疑似有人賣黃牛飛,Eason說:「點解佢哋買到咁多?排隊㗎?我真係唔知點解。」對於那英不再擔任《中國新歌聲》導師,有傳是因為她覺得比賽有黑幕,Eason說:「咁叫我撳掣算唔算黑幕?撳唔撳最終決定權都喺自己手上,奈我哋唔何。」