即時

2018年8月21日

2018/08/13 (週一) 01:12上午

陳凱琳喊住講多謝 鄭嘉穎抱得美人歸

恭喜陳凱琳正式升呢「鄭太」了!她與鄭嘉穎昨日在峇里舉行婚禮,一眾圈中好友亦親赴當地見證。宣讀誓詞期間,一對新人更喊住發表愛的宣言,場面動人!

拍拖3年的陳凱琳(Grace)和鄭嘉穎終於修成正果,昨日假峇里BVLGARI酒店舉行婚禮,一眾親朋及圈中好友紛紛飛赴當地觀禮,包括「鐵馬兄弟」馬國明(馬明)、林子善、黃嘉樂、唐詩詠及陳嘉寶等,大家亦陸續於社交網分享靚相。

一對新人於早上進行接新娘儀式,嘉穎應Grace要求唱出自己的歌曲《一千個願意》,之後又抱起Grace由走廊行入大廳,再向雙方家長斟茶!結束後,換上白色低胸婚紗的Grace,與嘉穎移師到酒店內的教堂行禮,兩人於眾親友見證下宣讀誓詞,其間新娘子4度多謝嘉穎,仲邊講邊喊:「多謝你,同你一齊好幸福,同你拍拖第一日已經好溫馨、好有愛,雖然有啲人話過多幾年就會冇,但同你一齊嘅時候就有呢種感覺。多謝你,帶畀我永遠嘅幸福,I Love You。」並感激對方在其失望、沒有自信的時候給予鼓勵,又期待與嘉穎一起組織家庭。

拍拖1年即求婚

至於新郎哥則謂:「你帶畀我嘅喜悅、快樂係從來未試過,你令我想組織家庭,同你拍拖1年左右就向你求婚……多謝你答應嫁畀我,無論以後條路係點,我哋一齊行落去,我會照顧你一生一世,I Love You So Much!」事後,他向傳媒坦認好感動:「見Grace行入教堂我已經忍唔住流咗兩滴眼淚,好感觸 。」