娛樂

2019年2月20日

2019/02/11 (週一) 12:00上午

鄭中基 宣布開拍《龍咁威3》

鄭中基(Ronald)一共5場假紅館舉行的《鄭中基One More Time 世界巡迴演唱會—香港站》前晚來到最後一場,席間,除了跟父親鄭東漢、大女鄭梓喬(Emma)一同演出外,仲有細仔鄭梓仁拎住紅色豬公仔跳上台送給Ronald,而當晚更邀得昔日電影《龍咁威》系列的拍檔李璨琛、張達明及谷德昭擔任嘉賓,掀起高潮!
3人甫上台,谷德昭即大讚Emma歌藝不俗,還開玩笑指Ronald可以提早退休。其後Ronald又驚喜宣布今年將開拍電影《龍咁威》第3集,更重提當年李璨琛舐朱咪咪腳趾一幕,他說:「佢嗰時猜包剪揼猜輸咗要吮朱咪咪腳趾,而事實拍咗3個Take佢都係猜輸!」李璨琛則謂:「真猜、真吮㗎!但我吮夠啦,畀第二個吮啦!」場面爆笑!
騷後受訪時,他預告《龍咁威3》於8月開拍,20年賀歲檔上映,稍後要為角色減磅變條「柴」。談到囡囡完全不怯場,笑問Emma收多少歌酬?Ronald笑道:「好慳㗎!每日一粒糖就好開心!」