娛樂

2018年12月11日

2018/10/12 (週五) 12:00上午

都市點評 機會由我創 《全民造星》阿神

近期ViuTV製作的選秀節目《全民造星》,將於本月14日舉行總決賽,雖然還未選到星,但不少參賽者早已鋒芒畢露,已被淘汰的參賽者──包括B4組的阿神、阿Dee、嚴祺、阿餅、酒粒仔,因為演出攪笑又有深度的「魚蛋論」Talk Show而獲得觀眾的支持及喜愛,最近組內成員阿神亦涉獵飲食業,與朋友一齊合資於觀塘熟食中心創業,開日式料理店,更獲得《全民造星》的兄弟到場支持。

阿神在參加《全民造星》前,本身從事物業管理,但因喜歡唱歌、表演,最後更辭去工作專心參賽,而創業開餐廳亦因為留戀幕前工作才有的決定,他說:「其實開餐廳最大原因係唔想再返物業管理,因為呢度有其他Partner幫手,咁佢哋好支持我做幕前,如果有幕前工作,我可以行開,自由度大啲。」
用心設計
阿神早在2013年以組合Myar成員出道,後來因與經理人公司發生合約糾紛而退出組合,但卻因此認識當時的保母Manson,雖然最後公司倒閉,二人卻依然相交,相識8年後更成為拍檔,兩人選址觀塘熟食中心創業,開設峯日式料理店,阿神說:「揀觀塘區因為比較多寫字樓、製作公司同電影公司,如果撞到佢哋嚟食嘢,可能見到我會話:『阿神,OK喎!』,而開日式餐廳係因為大家都鍾意去日本旅行,去食吓嘢、玩吓,咁啱有呢個機會畀我哋試就開咗呢度。」餐廳地方雖小,但布置及設計亦見心思,門口以木製趟門設計,掛上簡單的布製旗幟配以店名峯字做招牌,店舖雖然開業於熟食中心內,但設計絕不馬虎。

餐廳主打日式料理,首推$50的午市定食,共有4款咖喱定食可供選擇,定食分別是:吉列豬扒、唐揚雞塊、特選牛肉及吉列蝦,以上定食均附有前菜、半熟蛋、味噌湯及汽水,在物價騰貴的香港,就食材及價錢而論性價比非常高!其中吉列豬扒頗為特別,阿神搞笑說:「我哋先用雷神之鎚輕輕揼鬆塊豬扒,再撒麵粉同浸蛋漿然後再塗麵包糠去炸。」豬扒剛炸起,非常鬆脆,再配上咖喱入口更為惹味!而晚餐則推介石燒吉列牛小排定食,每日限賣20份,非常受食客歡迎!用料上乘的牛小排會先輕炸外層,再送到客人面前,再由客人動手燒,先以牛的脂肪預熱石板,再燒至七成熟、牛肉脂肪分配平均,肉質嫩滑。
比賽結緣
「因為節目《全民造星》關係,多咗人識我、亦有支持我嘅朋友,所以我主力負責招呼客人。」阿神說。餐廳開業以來不少《全民造星》的參賽者、甚至監製花姐、導師及主持都相繼到場幫襯支持,而節目中的好兄弟B4組成員嚴祺、阿餅、酒粒仔亦有為他打氣,對於阿神開餐廳,嚴祺說:「多咗個玩嘅地方,有次我哋一齊出席咗個Function,有十幾個被淘汰嘅參賽者,難得咁齊人當晚就嚟咗開Party。」酒粒仔笑謂:「好開心阿神可以唔使返去做保安,可以做個老細。」

4人的友誼因比賽時被分派到B4組表演而開始,嚴祺表示:「嗰刻大家分咗組,然後要我哋自己去諗成個表演方向、主題,嗰陣我哋4、5個差唔多日日都見面度橋同排練。」在節目中4人雖然輸了比賽卻因演出《酷愛》、《娛樂圈拯救隊前傳》,贏得觀眾及網民的支持,阿餅說最難忘是演出《娛樂圈拯救隊前傳》,阿神更用死而無憾來形容是次表演,他說:「綵排嘅時候全部人都以為我哋會贏。」阿餅則謂:「我好記得花姐個扁嘴樣,佢話:『我好擔心Lockman輸啊!我唔知揀邊個輸好』。」
自我增值
被問到節目是否內定,4人卻一致搖頭否認,嚴祺直言:「好多人問係咪劇情,但我哋真係見到唔係。」《全民造星》將於本月14日舉行總決賽,4人都表示會抽空見證歷史性一刻,被問到心儀的冠軍人馬,阿神、阿餅及酒粒仔都選Lockman,而嚴祺則選肥仔,阿餅說:「嗰陣跳前傳,咁個個都唔識跳㗎嘛,Lockman係咁教我哋,我覺得佢好好,同好有實力。」被問到往後的發展,年齡較輕的阿餅及酒粒仔表示會繼續學習及增值,阿神則希望嘗試做主持及拍劇,而嚴祺則會繼續在音樂上發展,相信4人在未來會帶來更多作品給觀眾,大家一起期待吧!


地址:觀塘駿業街67號熟食市場1樓46號舖
時間:星期一至六12nn-9pm,星期日及公衆假期休息
電話:5428 8748