娛樂

2018年9月23日

2018/03/14 (週三) 12:00上午

都市專訪 譚嘉荃 尋高興

前女子組合B2成員譚嘉荃,自從單飛做歌手後,積極推出慈善EP,亦曾創作歌曲宣揚愛護小動物的信息。雖然近年香港樂壇不景氣,但在娛樂圈經歷了不少風浪的她坦言:「依家就會係想每次表演嘅質素對得住自己,唱歌係因為我鍾意唱,而唔係為咗諗住搵大錢。」現在的譚嘉荃就如其舊作《Disco Dancing》中的歌詞一樣,生活態度是「尋高興,便來高興」!

撰文:黎永樂|攝影:David|化妝:Heidi Lee @ Heidi-makeup.com|場地:如心艾朗酒店

在樂壇浮沉了一段日子,譚嘉荃(Amy)終於首次推出屬於自己的個人情歌《插翼難飛》,雖然這是一首慘情歌,但能夠擁有屬於自己的情歌真的令她很開心!Amy興奮地表示:「因為過往,就算以前B2都唔係唱情歌為主,雖然都有同漢洋合作唱情歌,但就係無屬於自己嘅情歌,其他歌手好易得到,我就好難先有。」她更自爆在拍新歌MV時拍到喊,果然夠感動!
舊拍檔拒復出
最近樂壇大玩集體回憶,謝霆鋒和郭富城分別於叱咤及港台頒獎禮擔任表演嘉賓,引來極大迴響。Amy所屬的前組合B2都叫做「MK女子組合始祖」,風頭曾試過掩蓋當時得令的Twins,問她會否打算找舊拍檔Sandy(郭可穎)出來再戰樂壇,Amy淡淡然說:「我都幾肯定佢99%唔想復出,因為佢依家做緊屋企嘅家族生意,甚至依家好多人唔知佢做過B2,佢自己都唔會提,佢好Enjoy依家嘅家庭生活。」噢,「D場天后」的往事就只能回味了!
回想過去,Amy亦想起B2過去一段不堪的經歷。「當時B2面對嘅工作環境唔算係好開心,台灣出咗一隻碟,但係好多公司上嘅人事問題,我哋最後錄咗隻碟,但冇機會過去嗰邊宣傳。」B2解散後,Amy轉去無綫的《娛樂大搜查》做主持,她透露那段時期的確有點難捱,「有次同幕後人員出去做一個紅星訪問,你知TVB㗎啦,導演一手就撕走咗Artist身上個宣傳貼紙,個Artist就好嬲係咁指住我嚟鬧,真係好尷尬難受。」
沒有恨嫁的心
昔日的好姊妹Sandy已組織幸福家庭,但對於Amy來說,她依然沒有結婚的衝動。「覺得愈大愈唔恨嫁,去到呢個年紀真係覺得冇咩所謂,做人最緊要係開心同健康,只要段關係好開心,其實有冇嗰張婚紙都唔係好重要,呢個Moment如果有個對象想同我結婚,我諗都係未必得!」或許找到自己的人生價值,對Amy來說更快樂及實在。