娛樂

2019年3月22日

2017/05/10 (週三) 12:00上午

都市專訪 自主新人類 游學修

畢業於演藝學院電影電視學院的游學修,主修編劇,偏偏走在幕前起步。沒有高大威猛的外形,更沒有俊俏的臉孔,游學修憑甚麼做演員?他說︰「冇我咁特殊啩。」
出道四年,這位無名小子前年憑電影《哪一天我們會飛》,與前度女友蘇麗珊齊齊爆紅。他在新戲《同囚》擔正做主角,戲中還不惜露股。沒有放棄做幕後的他,喜愛自主,沒有正式簽經理人,好處是自己話事,正籌拍電視劇的他,集編、導、演於一身。從他身上看到,近年正湧現一班有個性、愛自主的影壇新人類。

撰文:羅婉玲|攝影:陸羽勝
設計:Ronnie Cheung
化妝︰Yvonne Yeung

大開眼界
最近游學修在新戲《同囚》擔正,這個改編自真人真事的少年囚犯故事,令他大開眼界,游學修為免透露太多劇情,他打了一個比喻,「或者我咁樣講,如果要我入去體驗一個星期,只係純粹體驗,我一定Say No,一日都唔想,可想而知幾可怕,可能喺成人監獄都自由啲啲,但少年犯嘅處境係好嚴格。」他直言令自己最震撼,不單止是少年犯要由早上五、六點起身就操,食完飯又再操,操到夜晚為止,「教官就係要畀苦頭你受,有人講過你要當自己唔係人,先至頂得住。令我覺得最震撼就係入面成日有人會自殺,因為你唯一嘅尊嚴都無埋。」
談及那場露股戲,游學修娓娓道來︰「嗰場係沖涼戲,其實喺入面沖涼只得10秒鐘,咁沖涼點會遮。另一場戲講少年犯,每朝早起身都要Body Check,教官要睇吓有冇傷痕,有冇受傷,要Show全身咪豁出去囉,拍呢套時仲早過拍《哪一天》,我哋呢啲仔都冇人識,拍就拍啦,依家變咗係賣點,我都幾Power。」
致青春
游學修沒說錯,觀眾認識他,是從電影《哪一天我們會飛》開始,還有他和前度蘇麗珊的「快閃愛情」。兩人戲假情真走在一起,前年年底公開戀情,一年唔夠因性格不合而分手,有指游學修是「被分手」。現在女方火速有新戀情,游學修仍單身一人,他笑謂︰「大把時間,學華仔(劉德華)話齋唔急。」
談到跟前度還有聯絡嗎?他好認真地說︰「嗰啲唔講,始終唔係自己嘢,講自己我會乜都講,不如你哋介紹啲女仔我識吖!」被問起前度,原本是尷尬場面,但游學修轉數快,馬上幫自己解圍。
今年26歲的游學修,當然大把時間再去識女仔。他的演藝工作起步,並不是幸運,而是他轉得快。中學畢業後,他曾做過速遞員,又在關口當過檢疫員,「喺關口做嘢好舒服,每日有三個鐘頭唞吓,我特登調更去睇黃子華套重播劇。」當了幾個月檢疫員,他便入讀演藝學院主修編劇,明明是做幕後,偏偏走幕前路,「做幕後要等,但做幕前唔通等到30幾40歲先入行咩,趁年輕咪闖吓。」在《哪》之前,他拍了兩部微電影,之後參演過《十年》中的《自焚者》,還有ViuTV的開台劇《瑪嘉烈與大衛 綠豆》演年輕版的趙子龍。說起去年金像獎頒獎禮,他與前度蘇麗珊一齊行紅地毯,最後還上了台,「冇人諗過拍短片,只係一、兩組戲,結果我係行埋上頒獎台,真係冇諗過會咁。」