娛樂

2017年1月20日

2017/01/12 (週四) 12:00上午

都市專訪 廢話少講 顏卓靈

有沒有玩過西洋占星術?太陽星座、月亮星座、上升星座分別代表一個人在不同時間、不同狀態,會出現不同的樣子,簡單來說是獨處時一個樣子、向外界展現出的又是另一副面具。顏卓靈於《狂舞派》中的開心少女形象深入民心,其實真實的她有着不同的性格,「平時好多時都會唔係好想講嘢,以前係『廢話少講,做就做啦』, 近呢一年先開始慢慢會講吓笑。」蜜運中的她大概是受男友白只的影響吧!

22歲的你可能還在為前路茫茫的人生惆悵,但顏卓靈(Cherry)卻一早已目標明確,從小已懂得不浪費青春的道理。「《狂舞派》我個角色好似開心少女咁㗎嘛, 笑起嚟露起副牙齒好可愛喎,但我平時講嘢係冇尾音,除咗訪問要Share嘢畀大家聽嘅時候,平時好多時都會唔係好想講嘢,大家喺度閒聊,我覺得好似冇咩重點嘅話就寧願唔講,你喺度講笑、喺度Hea,OK!你哋有你哋啦,我行開先,會咁樣囉。」
真實性格
所以有說要成功就一定會比別人犧牲更多,「以前係做嘢就做嘢,讀書就讀書,係『廢話少講,做就做啦』嗰種,好似唔識得畀自己娛樂咁樣,喺近呢一年先開始慢慢會講吓笑。」Cherry這性格早已被導演周隼留意到,在創作《那年夏天你去了哪裏》的劇本時便將她的一些特徵和習慣加入角色中,「好似我平時剪指甲剪到好短,因為首先我唔鍾意太女仔啦,第二就係留長指甲好易崩,又會藏污糟嘢,好似小朋友咁,而導演亦將個角色講到好似冇長大過一樣,因為被人困住咗12年,所以由細到大都冇話要扮靚,咁佢又加入咗喺個角色入面,仲特登有個鏡頭畀我對手。」
平淡就夠
雖然Cherry拍《那年》時還未與白只認識,但她指上映時一定叫對方捧場,有指顏爸爸曾棒打她與前男友錢行的鴛鴦,早前跟白只承認已見家長的Cherry害羞指,爸爸沒有跟她說過任何對白只的評價,「佢冇同我講過,直接講嘅話好怕醜㗎嘛,唔知佢兩個私下有冇傾呢。」
談到男友早前剛踏入37歲,雖然是二人拍拖後過的第一個生日,但Cherry直言慶祝活動十分平淡,沒甚麼驚喜,「我哋都係好苦悶,只要真係見到大家,一齊食餐飯都已經好開心,大家都覺得嗰日唔係特別要做啲咩嘢去Surprise,平日諗到都已經去咗做 。」難怪別人總說熱戀中的情侶,日日都可以是情人節。