娛樂

2019年6月25日

2017/07/18 (週二) 12:00上午

都市專訪 反方向追夢 劉敬雯

如果單說「劉敬雯」這三個字,你或者會覺得很陌生,但跟你說這位在面上總是掛着笑容,跳舞有板有眼的「奶茶」,你或者會想起她便是在電影《狂舞派》裏跳得起勁的小妮子。最近成為了樂壇新人的劉敬雯,並推出新歌,由一位略有名氣的舞者變成今年的樂壇新人,為了唱歌,她可以去到幾盡?

撰文:林洋|攝影:Eddy

提起電影《狂舞派》,大家的印象不外乎是片中不同的舞蹈,劉敬雯(Lydia)擅長的“Locking”就是其中之一。在大家對Lydia的舞蹈讚嘆不已時,原來Lydia是歌手出身,16歲便已在多倫多參加新秀歌唱大賽。「細個本來係想做歌手㗎,但嗰時個心態係成日想比賽,好想達到人哋嘅標準,有少少迷失,唔係好肯定自己係咪真係想做歌手,後來接觸到街舞先發覺自己真係咁鍾意跳舞,就將唱歌放埋一邊。」

人生轉捩點
因為跳舞令Lydia找回自己,更得到導演黃修平垂青,參演《狂舞派》,成為她人生一個很重要的轉捩點,「電影成功之後畀咗我好多工作機會,亦都識咗音樂人戴偉,喺唱咗《點五步》嘅插曲《Seems Like So Far Away》之後,佢同我講我可以試吓做自己嘅音樂。」她說新歌推出後獲不少朋友分享,當中更能印證《狂舞派》的影響力,「基本上叫我做『奶茶』嘅人,都係拍完呢套戲之後識嘅,叫我Lydia就係我跳舞或之前識嘅人,所以我諗番起叫我『奶茶』又幫緊我嘅人,就會好感恩套戲帶畀我嘅嘢。」

唔跟主流走
擅長跳舞的Lydia,選擇第一首派台歌的時候,沒選擇唱快歌,反而是一首勵志慢歌。「唔知道嚟緊會有幾多機會做歌,所以想唱一首我最想表達到自己意思嘅歌,希望鼓勵大家可以堅持自己嘅理想。《反方向》呢隻歌名係陳心遙諗嘅,可以算係《狂舞派》嘅延續。其實我唱番歌好大程度上就係因為『為咗夢想,你可以去到幾盡』呢句話,所以反方向可以喻意,為咗夢想而唔跟主流思想走。」若新歌成績不俗,就出碟在望!

;