娛樂

2018年8月21日

2018/05/23 (週三) 12:00上午

都市專訪 人生轉捩點 鉛球扑濕頭 黃浩開竅變醒目

上一集《Wee Chat》講到,傳媒老闆黃浩(Kenny)少年時的偶像,是岳少(林建岳)和大劉(劉鑾雄),因為兩人多錢又多女。第二集Kenny繼續接受嘉賓主持Bob(林盛斌)訪問,大談Kenny這麼有生意頭腦,是因為小時候被鉛球扑頭,從此開竅,變得醒目大膽,敢去追夢,而他的座右銘,就好像受訪當日穿戴的衫和錶一樣,黑白分明。

撰文:林凱妍
攝影:甘承威

現在的Kenny精明幹練,懂得享受生活、識飲識食,但孩童時期的他,原來是個呆頭呆腦、揀飲擇食的平凡小孩,而最令他懷念的就是位於愛民邨的兒時飯堂天馬快餐,「因為我由細個到依家都唔係太鍾意食飯,細個鍾意食意粉、快餐嘅雞髀同薯條,因為唔食飯其實選擇唔多,但喺呢度咩都有得食,黑椒雞髀意粉多汁扣底就係我每次必叫,可能會食多一個咖喱牛腩意粉,總共食兩份!」看來就只有鍾意食這一點始終不變。

長情專一
除了鍾意食之外,Kenny亦都鍾意蒲錶舖和文具舖,還養成了個儲文具的習慣,「我到依家都有儲File,覺得好靚,有唔同顏色,有啲比較厚,唔同形狀我都有儲,擦膠嘅質地我都覺得好得意,有好多唔同款式。」不難看出Kenny是個很長情的人,不只儲文具的愛好一直未變,就連對一個品牌的喜愛也貫徹始終,「細個就好想要Rolex,到依家都係,九成手錶都係Rolex,所以Suki(徐菁遙)好放心,佢話我唔花心,太鍾情一樣嘢,好專一,比如細個想成年之後第一個銀包買LV,到依家大部分都係LV,唔係話完全唔買第二個牌子,但儲真係好專一。」

扑出未來
不少成功人士都是從小時候的歷練中得到啟發,不過Kenny經歷並非有多刻苦辛酸、賺人熱淚,反而有點意外搞笑,而故事的開端就要由一個鉛球說起,「細個嘅時候其實係戇居居、唔太出聲,直至有次同同學玩掉鉛球,掉上牆再反彈,我就好似傻仔咁企喺度,咁就中咗,跟住我成個人轉完暈喺地上面,即刻被人送去醫院,出院之後,當時唔覺得,但慢慢諗番,嗰時成個人活躍咗,開始識得同人溝通,大膽咗,好似開竅咁,開始有Vision,開始慢慢有Dream,開始有Leadership。」看來Kenny的成功是命中注定的吧!