娛樂

2018年12月15日

2018/12/07 (週五) 12:00上午

被黃子恆邀人魔大戰 迪子爆數度撩開房

黃子恆被爆偷食內地女粉絲,仲疑似搞大對方個肚不認帳!不過「沒有最衰,只有更衰」,事件發酵至昨日,迪子則親證多次被黃子恆撩開房,她嬲爆說:「撳鐘仔錢都慳!」

黃子恆前日驚爆桃色醜聞後,堅稱跟內地女粉絲Michelle只發生過一次性行為,且做足安全措施,否認是BB經手人,惟有報道指,有高層已對他徹底失望,決定拍竣《機場特警》便將他雪藏!
與此同時,黃子恆昨日再被爆撩35E巨胸歌手迪子開房,兩人的曖昧對話截圖亦流出!其中一次發生於前年10月底,黃子恆主動約女方「搵個地方人魔大戰」提議去九龍塘,迪子回覆:「但係我對SP(Sex partner)關係冇興趣啦!」未料5小時後,男方稱45分鐘到迪子屋企樓下,女方再強調:「我唔會同你去開房!」時隔一段日子,黃子恆又出擊氹對方去其家中「互相服務」,迪子即寸道:「你還是找人妻吧!」男方則爆粗結束對話。
斥不尊重女性
對此,迪子昨亦向傳媒承認被約炮一事,指雙方認識10多年,對方一直好正經,直到自己的SM Feel MV出街後,便收到黃子恆傳來的奇怪訊息,並謂:「佢成日扮深情同正經,有時我都諗係咪誤會咗佢,但睇到佢疑搞大粉絲個肚,我覺得做朋友要帶眼識人。」又痛斥對方不尊重女性,更揶揄黃子恆:「你有需要咪去撳鐘仔囉,呢啲錢都要慳!」