娛樂

2018年12月17日

2018/06/14 (週四) 12:00上午

被李克勤要求對親家 周國賢「性騷擾」AGA

李克勤、周國賢及AGA(江海迦)前晚在會展舉行《拉闊音樂會》,獲徐濠縈、胡鴻鈞與丁子高等人到場支持。周國賢期間不小心失言,對AGA說:「我想插你少少。」令全場大笑,原來他只是想暫時打斷AGA發言,場面搞笑!

音樂會甫開場,李克勤、周國賢與AGA合唱《只想你會意》為音樂會拉開序幕,之後李克勤表示在定歌單時,第一首寫下的歌就是由AGA寫給他的《鑽石人生》,AGA則說:「《鑽石人生》係我第一次專為一個人寫,當年我寫咗3年歌都冇人要,一直賣唔出,最後我試寫歌畀人,通宵寫出《鑽石人生》,第二日首歌就有人要。」
到了中段,當周國賢唱完《我不會唱歌》後,周國賢對住克勤說:「我緊張咗幾個月,唔明點解你唱呢首歌可以唔唞氣,你又唔係巨肺。」克勤即大玩食字:「我係『廢』,你自己彈埋唔同,我係搵咗好好嘅人彈,咪可以安心唱。」之後克勤又趁機和周國賢對親家,希望安排兩個囝囝與周國賢3個女認識,並表示:「你咁靚仔,雖然我就忟啲,但老婆靚嘛,大家都可以交流下。」

講錯嘢超尷尬
而臨近完場時,當AGA鳴謝主辦單位時,周國賢突然說:「我想插你少少。」令全場大笑,他自知講錯說話,即補鑊說:「插你話題少少。」克勤即作出安慰說:「我都衰過一次,冇事嘅!我都仲企喺度唱歌。」3人完騷受訪時,提到周國賢失言「性騷擾」 AGA,他尷尬謂:「唔好提啦!好彩太太唔識聽廣東話。」而AGA指自己Get到,不過克勤就扮聽唔明,表示大家都是緊張個騷。