娛樂

2017年7月22日

2017/07/17 (週一) 12:00上午

蕭正楠公然向田蕊妮索吻

田蕊妮、蕭正楠及曹永廉等昨日為無綫新劇《超時空男臣》宣傳,玩遊戲期間,蕭正楠竟公然向田蕊妮索吻,搞到對方話要打電話畀黃翠如,蕭正楠即無力招架。

無綫新劇《超時空男臣》今晚首播,一班演員田蕊妮(阿田)、蕭正楠(Edwin)及曹永廉(阿廉)等昨日落力宣傳,Edwin落力到公然要阿田獻吻向他表示謝意,阿田即搞笑謂:「咁我要打畀黃翠如先!」一聽到女友個名,Edwin即無力招架!
事後阿田受訪時,對於新劇被3位男臣(阿廉、Edwin及吳業坤)的搞笑戲分搶晒鏡,阿田就爆料指阿廉最多NG,而且經常在片場騷擾她,並謂:「拍嗰時阿廉成日引我哋笑,但講完佢自己又忍唔住笑,終於喺佢身上明白咩係先撩者賤,佢笑點真係好低。」
此外,對於新劇被指抄襲韓劇《閣樓王世子》,Edwin說:「開頭接拍嗰時,都有疑問同嗰齣韓劇好似,我都有睇過幾集,跟住發覺全完唔一樣,首先我又唔係皇帝,我哋3個係臣子,去搵太子妃,好多事情都係本土嘅。」 而阿廉則笑謂:「嗰套韓劇啲男主角都好靚仔,我哋呢套唔係。」