娛樂

2018年12月14日

2018/03/14 (週三) 12:00上午

自認沙膽新娘 雨僑:未見過套婚紗

將於本月31日下嫁羅力威的雨僑昨日於活動中,率先穿上一襲性感婚紗預演婚禮,但現實中,自認「沙膽新娘」的她卻稱未見過自己套婚紗;還透露未婚夫會邀請容祖兒,不過就未知會否請埋劉浩龍去飲,仲話到時將催婚任務交畀記者,雨僑呢位新娘真係忙到連兩人傳分手都唔知!

雨僑昨日出席婚禮雜誌頒獎禮時,先後穿上兩套白色婚紗行騷,有如預演婚禮。其中一件低胸露肩婚紗,更將其豐滿身材表露無遺,她亦笑稱感覺好童話,已滿足了自己的要求,故結婚當天以輕便為主,不會更性感。不過,雨僑卻自爆仍未試婚紗及晚裝,她說:「我真係好沙膽,最後兩星期仲未見過套婚紗同晚裝,但我同設計師係識咗好多年嘅朋友,我哋互相都好有默契、好信任。」
講到已親自派帖給親友,問到會否請容祖兒?雨僑指由羅力威負責請,但未知會否請埋劉浩龍,又笑謂:「催婚到時就交畀你哋嘞!」當獲悉「龍兒」傳分手後,雨僑即尷尬伸脷說:「唔好意思,我唔知,我只知花球好多人Book咗。」而同場的沈震軒自言遇到真命天女就會閃婚,問到早前與他一齊行花市的是否新歡?他笑道:「想秘密少少,自己有努力,因為都好嚮往喺教堂行禮。」