娛樂

2018年11月18日

2018/10/22 (週一) 12:00上午

老婆陪囡囡留學 陳奕迅:咁益我

陳奕迅(Eason)昨日出席代言的按摩椅活動,受訪時,自爆日前扁桃腺發炎,搞到要入院留醫兼吊鹽水數天,並謂:「喺醫院有專業人士照顧,又唔會喺屋企散播病菌。依家好番晒先出嚟,戒口戒得好清,淨係食白粥,辣嘢、酸嘢要開完騷先可以食。」

提到老婆徐濠縈早前結束生意,指會陪伴愛女康堤到外國升學,Eason即鬼馬笑言:「咁正!我好耐未試過自己獨霸一間屋,唔係咁益我吓! 」他表示老婆冇提過,只稱隨時準備會有呢一日,不過一日未成事,Eason稱都未知會不會掛住囡囡,又憶述自己留學時生活好忙碌,根本冇時間掛住屋企,他謂:「睇吓佢揀男女校定女校,係我揀就男女校,咁到時真係唔會掛住喇,青春期嘛。」坦言不會太擔心,最緊要讀書與玩取得平衡,Eason又大讚康堤好有交帶,甚少帶朋友回家玩,自己亦好開通,囡囡交男或女朋友都可以接受。