娛樂

2018年10月22日

2018/05/29 (週二) 12:00上午

第一份工做文員月薪6千 黃浩點樣變 傳媒老闆

最近有位城中超級富豪問:「黃浩(Kenny)喺邊度出嚟㗎?」原來他除了出身居屋,還是打工打出來的,今集嘉賓主持Bob(林盛斌)就會跟Kenny談談如何由第一份月薪6千蚊的工,在努力之下,成為飲食才俊、傳媒老闆,他勉勵年輕人要訂立目標,努力追求,皆因凡事都有可能!撰文:林凱妍|攝影:甘承威
在澳洲讀商科的Kenny,回港後由一個普通的打工仔做起,在短短1年半間,月薪就由6千升到萬五蚊,整整翻了一倍有多,這對現代的年輕人來說,或許是個不可能的任務,但Kenny就是個活生生的例子,證明成功並不是那麼遙不可及的事,不過他還是謙虛地說:「唔算好成功,因為好成功嘅生意人,我覺得要狠啲、絕啲,我就有啲感情用事。」

唔好怕蝕底
讓人好奇的是Kenny怎樣才能在1年半間將月薪翻了一倍?「我記得月薪6千蚊,做咗差唔多半年之後,畀另一間公司用8千蚊挖角,去到做咗1年,發覺冇發展空間,又畀個客挖角,月薪萬五蚊,做咗兩年幾、3年之後,最後都係畀個客挖角。」能夠多次被人賞識,並不是僥倖,其秘訣在於勤力,「老闆吩咐做咩就做,唔好計較,做嘢唔好怕蝕底。當時我同老闆講畀3個月時間我,3個月之後,老闆加咗我月薪,依家好多年輕人成日話冇機會,際遇唔好,其實有時候要Fight,仲要你有真材實料。」

勉勵後生仔
為了鼓勵年輕人勇敢追夢,Kenny也計劃發展一個生意平台,讓年輕人有機會一展所長,「做好多生意,都可能賺到錢,但我想做一啲幫人搵工,免費嘅,畀多啲年輕人搵到份好工,令佢哋一路向上、上進,建立一個生意平台,由做小生意到有機會慢慢變大生意,我都唔係大富大貴出身,我覺得每個人都應該有個夢想,然後訂立一個目標,好難一步登天,例如我想將來有間自己嘅獨立屋,或者有啲咩,可以慢慢嚟,我置業咗3年幾,就向住夢想,係可以嘅,冇嘢係唔可能嘅。」所以說,只要肯努力,你都能成為下一個Kenny!