娛樂

2017年10月17日

2017/04/21 (週五) 12:00上午

百變學生妹 Venus王敏奕

在香港做藝人的包袱,往往比你和我想像中的多,尤其是年輕的藝人,都要兼顧學生和藝人的身份。現年25歲的王敏奕從中學時期接觸娛樂圈,轉眼間已出道10年。從要身兼母職照顧弟弟的全職學生,到現在成為影壇新星兼導演曾國祥的女友,堅持了10年,王敏奕相信,努力過後總會有曙光。

撰文:林洋|攝影:Jonas Chan

不少人對於王敏奕(Venus)的印象,不外乎「清純」、「御用學生」和「曾國祥女友」,在早前上映的電影《初戀日記:賤男蜜擾》也不例外,Venus再次飾演學生妹,被網友大讚仙氣十足。雖然Venus從出道起便有不少飾演學生的作品,但她不擔心觀眾會覺得悶,「《女人俱樂部》嗰陣係做新移民同跳舞高手;《DIVA華麗之後》就係做一個為咗做明星而獻身畀導演,比較有野心嘅學生妹。今次就係有初戀感覺,喺香港土生土長嘅學生妹,相信觀眾睇到我做唔同嘅學生妹都會有唔同嘅感覺。」

無悔演戲
演戲演得學生妹多,Venus當年初接觸拍戲時,也正正是一名真正的「學生妹」。雖然拍戲好玩,Venus也坦言當時作為全職學生要兼顧演藝工作十分辛苦,「好多人中學嗰陣放咗學就係同同學去玩,但我放咗學就係去拍戲。我仲記得當時拍一套微電影,用咗成個Weekend去拍,到臨返學前嗰朝早先拍完,係好辛苦㗎!中學生嗰時又唔敢走堂,但又會諗原來自己係咁鍾意、咁享受去拍戲,咁攰都要去做。」縱使錯失了不少與同學相處的機會,Venus卻表示沒有後悔過,反而有過這些經歷,才知道自己是這麼喜歡演戲。

各自努力
談Venus的話,又怎能避談曾國祥。相比不少藝人對拍拖之事收收埋埋,Venus與曾國祥(Derek)便選擇早早公開戀情避免緋聞攻擊。雖然Derek憑《七月與安生》成為炙手可熱的新晉導演,但拍拖之初,男友在影圈未有突出成績,Venus總是被標籤成「釣金龜」。她指現在Derek也能證明自己,不靠爸爸曾志偉也可做出成績,她也有自己的目標,「我識佢(Derek)嘅時候,佢已經係一個編劇同導演,佢識我嘅時候我都拍咗《女人俱樂部》,大家識嘅時候目標已經好明確,會互相扶持。我都希望嚟緊試多啲唔同角色,畀大家睇到我唔同嘅面貌。」