娛樂

2018年12月20日

2017/01/19 (週四) 12:00上午

爆Seed 遭黃子華整蠱 佘詩曼怒掟牙籤筒

黃子華同佘詩曼曾合作過拍劇,昨日兩人出席活動時,透露稍後將會再次合作拍新片,問黃子華有冇咀戲,佢就話要睇女主角肯做乜,而佘詩曼就踢爆當年拍劇時經常被男方整蠱,搞到自己忍唔住成個牙籤筒車埋對方度㖭!

黃子華、佘詩曼與古天樂等,昨日出席中環hmv概念店剪綵儀式,曾經合作過拍劇集《絕代商驕》的子華與阿佘,稍後會合作拍攝動作搞笑片,問到子華會否跟阿佘談情說愛?他坦言:「呢啲避免唔到嘅。(咀戲呢?)男演員喺呢方面好被動,要睇女主角肯做啲乜。」記者笑稱牀上戲都算是「動作片」之一,子華即笑笑口說:「你想多咗喇!呢一部係特務電影。」
至於女主角阿佘被問會否擔心因子華爆肚而招架不住?阿佘大爆當年拍劇經常被對方整蠱:「我口才唔得,還唔到口,咪還手囉!試過忍唔住成個牙籤筒車埋去,之後我郁少少手,佢都會即刻縮囉!」