娛樂

2018年6月24日

2017/11/16 (週四) 12:00上午

無綫下令禁女藝人露胸 黃秋生提議港姐着潛水衣

無綫節目不時被指大灑鹽花,綜藝節目經常見到女藝人着三點式泳衣出鏡,劇集就加入色誘、強姦等情節,以性感身材吸睛。不過以後這些畫面可能成為絕唱,因為無綫已下禁令,發出指引不鼓勵女藝員出鏡過分賣弄性感,而強姦戲分都只能用「意會」方式表達,有傳今次更是董事局主席陳國強親自落「柯打」,邊個Say No更有可能即炒!

無綫節目向來不乏性感鏡頭,但昨日卻突然發出內部「限奶令」通告,禁止女藝人過分性感。通告主要分三點:不鼓勵女藝員出鏡過分賣弄身材及性感,着三點式需穿上T恤、就算劇情需要強姦或牀戲,都只能用「意會」形式交代、女藝員需由多一名女同事陪同下出Trip。有報道指今次禁令由董事局主席「殼王」陳國強發出,希望網上平台等能更容易進軍內地市場,有傳若女藝人曳曳犯禁,或會被解約。
覺得受公司尊重
對不少女藝人來說,靠性感最易上位,如集集都有泳衣或溫泉鏡頭的《3日2夜》,雖成功捧紅朱智賢及陳婉衡等,就被矛頭所指。不過兩女很歡迎有關建議,朱智賢說:「公司都係想保護我哋,我仲有好多嘢畀觀眾欣賞,唔止身材。」而陳婉衡就說自己向來於合理情況下才會着泳衣,覺得新指令對她影響不大 。近日森美在《森美旅行團》及《跨世代》都有赤膊上陣,他笑說:「睇吓幾時出個指引係畀我哋啲男演員,好似我同陳豪都好有機會太性感!」
今次指令亦有針對強姦及情慾戲,「咪神」高海寧在《法網狙擊》的裸背強姦戲曾成為一時佳話,她歡迎有關指令,開心表示:「依家會令大家集中番睇我嘅演技,覺得咁樣更尊重女藝人!」
斥無綫自我審查
曾在《巨輪2》被吳岱融強姦的陳凱琳,昨日現身活動時透露未收到通知,她坦言:「如果健康美係OK,我都冇乜嘢畀人睇,每個人對性感、美感定義都唔同 。」她表示《巨輪2》的強姦戲都是按劇情需要而合理地出現,自己拍攝時也沒感到不悅。
雖然大部分無綫藝人都乖乖表示尊重建議,又讚公司保護藝人,不過曾獲視帝的黃秋生冇合約在身,講話就敢言得多,他斥無綫戇居兼自我審查,更向傳媒說:「咁港姐冇泳衣啦?着潛水衣囉!」秋生直言冇興趣睇無綫,覺得對方分唔清性感、肉感與暴露的分別。