娛樂

2018年12月15日

2018/01/12 (週五) 12:00上午

李佳芯陳茵媺齊撐封視帝 陳豪:要多謝兩個老婆

憑台慶劇《誇世代》分別角逐視帝、視后的陳豪和李佳芯昨日齊齊出席活動,對於獲「真. 老婆」陳茵媺及「假.老婆」李佳芯睇好封帝,陳豪則謂會多謝兩個老婆喎,但自己就睇好勁敵苗僑偉。

被指於劇集《誇世代》HeHe味濃的陳豪(阿Mo)和森美,昨日聯同李佳芯(Ali)出席剪綵活動。合照期間,森美搞笑地要求阿Mo站在他與Ali之間,好讓對方能「左右逢源」,接着更主動將手輕搭阿Mo手臂,場面爆笑!事後阿Mo亦不禁笑謂:「我哋喺裏面係一夥嘅,拍咗50集,大家都有默契,拍得好開心,感情好深厚,係會有嗰種味道。」
提到獲太太陳茵媺睇好攞視帝,他謙稱老婆一定撐老公,正如自己一樣撐對方。問到有否信心?阿Mo說:「信心加平常心,睇吓今年好唔好運啦,自己睇好三哥(苗僑偉),希望佢成功。」至於《誇》劇中飾演其太太的Ali,同樣力撐阿Mo封帝,她說:「拍嗰陣好多嘢估唔到,阿Mo畀咗好多衝擊同埋火花我。(希望一齊攞奬?)會唔會好貪心?好啊!」阿Mo聞言即笑稱攞獎的話,要多謝戲內戲外兩個老婆。