即時

2018年9月24日

2018/07/13 (週五) 01:38上午

曾志偉驚喜現身撐ViuTV世界盃節目

《2018俄羅斯世界盃》已進入尾聲,雖然有傳無綫早前下「禁波令」,但前晚「獎門人」曾志偉居然倒戈現身ViuTV撐世界盃,令人驚喜!

今屆世界盃的香港獨家播映權由電訊盈科取得,部分賽事於旗下免費電視頻道ViuTV直播,令收視創新高!當全世界熱議之際,有傳無綫內部卻發出「禁波令」,旗下藝人亦識做不提足球及踢波。不過,身為大台Icon之一的曾志偉一於懶理,前晚居然驚現ViuTV節目《Good Night Show全民睇波派對》,令外間猜測他與ViuTV是否有合作,抑或與余詠珊不和傳聞有關!

阿Lo見「獎門人」緊張

甫現身活動,一班現場觀眾見到志偉都紛紛起鬨,擔任主持的林曉峰(阿Lo)亦坦言開騷前才獲悉老拍檔出現,令他緊張到出晒汗,阿Lo說:「見到佢,我竟然成Part稿都唔記得,所以不時要搵位坐低背稿!」之後又問對方支持哪隊?志偉即搞笑自抽:「打和啦!」並謂想不到會在此見面,他興奮說:「一齊做世界盃 ,好OK呀!」騷後,志偉又直踩入ViuTV的直播室,陪觀眾睇足全場賽事。

另外,翠如和余德丞昨日出席足球活動,兩人均表示不會避談足球,翠如更坦言:「我哋做呢個行業乜都要睇嘅,乜都睇先知出面做緊乜,唔會避忌。」余德丞就直指睇到志偉現身ViuTV感到好驚訝。