娛樂

2017年12月14日

2017/10/13 (週五) 12:00上午

星情飯局 與批評同行 黃翠如

認識黃翠如(Priscilla)是她在有線電視擔任娛樂台主播的年代,還記得那時她的經理人對我說:「呢個女仔,有土氣,但幾純、幾好!」
今天的黃翠如,人紅了,土氣沒了,亦有人對我講她驕傲了⋯⋯但是我可以告訴大家,黃翠如依然簡單清純,變的……只是美了很多。

撰文:Carrie Yip (carrieyip@msn.com)|攝影:David |服裝提供:Max & Co.|美術:Ronnie Cheung

起步係唔一樣
黃翠如「美了很多」,不是做了任何整形,只是化妝和衣改進了,而且一個女人有了愛情的滋潤,自然會漂亮了很多。
「我係好瘦,但我都係屬於大面、面圓類,所以影相時都要就下位,如果唔係,就會好肥㗎。」黃翠如外表很Girlish,但不要以此去斷定她的性格,和她熟絡的明友都知她是一個沒有架子的女生,甚至有些時候挺男仔頭的,而我就是最欣賞她的爽朗和傻氣,她跟我說:「我去《使徒行者2》Casting陣時,我第一句同人講:『如果你覺得我唔OK,可以唔用我㗎,你話我知就得㗎啦!』班編劇同導演應該覺得我係傻嘅,哈哈!」很多演員為求爭取一個角色,一定會在導演、編劇等面前施展渾身解數之餘兼美言幾句,而我相信黃翠如就是這股傻氣和不造作,而得到「鄭淑梅(妹頭)」這個角色。「其實,由細到大我都冇信心去要求有任何嘢,我冇呃你!」黃翠如坦白地繼續說:「我同其他演員起步唔一樣,我演戲係好遲先起步,有好多人都質疑我得唔得?我可以理解,咁我咪惟有努力、勤力,希望將來所有人都接受,『黃翠如』係一個演員。」

難過只係情緒
網上有一些對黃翠如在《使徒行者2》演出的負評,但其實黃翠如於97年曾赴英國修讀戲劇,回港之後曾擔任舞台劇演員……只不過沒有太多人知道,亦有很多「做新聞的人」不願意提及到。
「哈哈,呢係好耐之前事,同埋我一出已經係做主持同埋主播,呢個身份根深蒂固。有好多鬧我人,而且比讚我人多㖭!我自己係一個成日睇負評人,又或者咁講,我平日係帶住所有批評去返工,不過我更加相信難過只係情緒,我都要做,咪落力囉!」聽到黃翠如這番話,突然之間也有點心酸。
「演員係有一個光環,係一份好吸引工作,但係我好相信亦會有一個限期,我唔知自己可以做到幾時。我好鐘意份工,我覺得所有人留得TVB,都係鍾意做戲,TVB真係一個『木人巷』,真係要好捱得,如果唔係,真係走咗好耐啦。呢道見到好多老前輩做到今日都同我哋一齊通宵達旦咁捱夜拍戲,其中印象最深刻係拍《師父・明白了》時,我發緊燒,食藥暈陀陀,但刻我見到羅蘭姐眼瞓都一齊咁捱啦,佢一樣好認真咁工作,真係好感動,咁我做後生嘅都唔係好慘啫!」黃翠如豁達得惹人愛。

天穴
地址:尖沙咀廣東道3-27號
海港城 OTE 304號舖
電話:2701 9881
平均消費:約$400/位
泊車:海港城停車場
營業時間:12:00-23:00

主持
Carrie葉嘉儀
傳媒人。喜歡「吃」,皆因非只飽足五臟,更可透看人情。