娛樂

2018年9月23日

2018/06/14 (週四) 12:00上午

明抽暗寸 龐景峰 煮即食麵着火

龐景峰噚日出席旺角火鍋店嘅開幕儀式,既然係餐廳活動,當然就問吓佢識唔識煮嘢食啦,佢就話自己淨係識武打,唔懂下廚喎,仲自爆連煮即食麵都會着火,「試過有一晚凌晨3點想食消夜,我煮即食麵,個麵係長條形,個煲擺唔晒,又大火,結果個麵未煮好,但係上面燒着咗!」而發生呢件事之後,佢就被阿媽郭秀雲禁止入廚房,自己亦都唔敢再下廚,不過佢就乘機大讚女友Peggy廚藝好,自己就盡番男人嘅責任出去努力賺錢,「佢幾乎日日煮,佢係一位老師,成日煲湯畀我父母,又會整好畀我帶埋去拍戲!」 真係羨慕死人咩?查實呢期《美女廚房》咁Hit,無綫會唔會考慮開番個《美男廚房》,相信都會睇頭十足,或者到時就可以睇下龐景峰點樣搞冧個廚房!