娛樂

2018年11月19日

2018/02/14 (週三) 12:00上午

明抽暗寸 韋家雄與新歡 一見鍾情想閃婚

韋家雄早年離婚之後都有拍過拖,可惜最終都分手收場,灰到爆嘅佢曾經自嘲係「愛情失敗者」,離離合合佢已覺無聊,對婚姻冇晒期望,真陰公呀!不過生命滿希望,韋家雄最近終於遇到佢嘅真命天女,同相識兩個月嘅圈外女友Keynes火速相戀,一見合眼緣即刻抄牌,第二晚就單獨去街街,拍拖一星期更加已經談婚論嫁,仲計劃好今年內一定會結婚,成件事快過搭火箭呀!雖然韋家雄年過半百,大過女朋友近廿年,但有愛情滋潤嘅佢立即回春,成個人Young晒,接受周刊訪問期間多次公然放閃,對住鏡頭啜啜都冇有怕,Sweet到漏呀!韋家雄話媽咪都好冧呢位準新抱,而佢同前妻所生嘅廿幾歲仔亦都好戥爸爸開心。嗱,今日係情人節,希望韋家雄呢個勵志故事,可以為各位「單身狗」帶嚟希望啦!