娛樂

2018年10月22日

2018/05/17 (週四) 12:00上午

明抽暗寸 陳敏之 唔記得拉褲鏈?

「索腿天后」陳敏之喺前年冬至生咗囝囝雷子樂,不過呢位靚媽生完之後身型依然Fit到爆,嗰對43吋長腿直頭恨死隔籬,之前仲喺《溏心風暴3》同唐文龍上演連場牀上激情戲,實行大解放,令唔少觀眾都睇到「哇哇」聲。而最近呢位索媽就同區永權去咗台北拍無綫新嘅旅遊節目,佢前日就Po咗啲靚相上社交網,不過……敏之竟然冇拉褲鏈?!其實大家誤會晒喇,敏之解釋,其實今次台北之旅係有造型師幫佢襯咗廿套衫,總共成4篋行李咁多,而佢身上嗰條其實係腰帶嚟㗎,想營造出褲中褲嘅效果。呢個造型簡直搶晒Fo,冇得輸呀!Fashion界真係好高深,普通人或者只可以講句:「Fat唇嘅嘢,我哋識條鐵咩!」