娛樂

2018年9月24日

2018/04/16 (週一) 12:00上午

明抽暗寸 羅志祥 無辜變衰人

選秀節目呢幾年喺內地Hit到爆,而呢期最具話題性嘅莫過於《這!就是街舞》,不過呢個節目最好睇嘅地方似乎唔係跳舞,而係製作組點樣得罪晒4位導師。事關喺節目未播出街嘅時候已經將TFBOYS嘅成員易烊千璽個名寫錯成「易洋千璽」,仲試過將韓庚認錯做黄子韜,而最新主角就係羅志祥(小豬)喇!因為最近兩期節目特登將佢塑造成衰人,係咁鬧啲參賽者,令佢係咁畀網民攻擊,而小豬噚日忍唔住喺微博留言,指摘節目前後剪輯顛倒,令觀眾誤解,「這次我忍不下去了,我們4位隊長,還有所有舞者對節目的認真付出,也希望可以得到節目對我們的尊重!」之後小豬工作室亦喺微博發聲明,要求節目組公開道歉。其實真人騷從來都唔係真人騷,更何況係內地嘅節目,認真你便輸了!