娛樂

2018年6月24日

2018/03/14 (週三) 12:00上午

明抽暗寸 杜汶澤 為操Fit立死誓

「每個肥仔都係一隻潛力股」,呢句說話真係聽唔少,最近陳奐仁(Hanjin)就身體力行做畀你睇,掌上壓、吊環倒吊、抬車胎、戰繩樣樣齊,以往肥嘟嘟嘅佢,搖身一變做咗大隻仔!連杜汶澤見到佢操到咁Fit,都忍唔住封咗Hanjin做新偶像,仲喺facebook開Po留言:「我的新偶像大隻仁,用了10個月時間改變自己,嗰種恒心同毅力,令人動容!曾經是減肥界巨子的我……今年夏天!做一樣8歲之後從來無做過嘅事!我要用最Fit嘅身形,去沙灘!曬太陽!只許成功、不許失敗!因為失敗嘅藉口可以有一萬個,成功嘅原因只有一個,咪就係勁囉⋯⋯做唔到,我去死!立此存照!」哇!玩到咁大,睇嚟阿澤為操肌可以去到好盡,大家就坐定定,等到暑假驗收肌肉照啦!