娛樂

2017年12月14日

2017/12/07 (週四) 12:00上午

明抽暗寸 李家鼎 千萬冥通都未賺到

鼎爺(李家鼎)呢一年憑《阿爺廚房》人氣急升,接Job都接到手軟,仲出埋食譜兼密密拍廣告,3個月前仲開埋私房菜餐廳,都咪話唔豬籠入水,最近就有報道話鼎爺間餐廳已經賺成千萬,噚日佢以推廣大使身份出席《第52屆工展會新聞發布會》時,講起呢單新聞,鼎爺即刻好大反應咁話:「冥通都未有呀!幾千萬,我袋晒呀?唔使舖租開支、燈油火爉、人工呀?你信佢講你都傻埋呀!」鼎爺仲話開張用咗千幾萬,係賺到錢,但都要有排先回到本,依家連開分店都唔敢諗,佢話:「唔好咁急啦,食飯急都會啃死!」啋!咪死死聲喇,餐廳啲Booking都去到出年4月,開心都嚟唔切啦。鼎爺話雖然好辛苦,連有咩假期都唔記得,但咁多人等住試自己啲手勢係開心嘅!