娛樂

2018年9月23日

2018/03/15 (週四) 12:00上午

明抽暗寸 唐詩詠 自認好了解男人

由農夫同鄭裕玲(Do姐)主持嘅新一輯《Do姐有問題》近日播出唐詩詠同C君一組玩遊戲嗰集,其中一條問題就話點解韓國海產市場淨係得鮟鱇魚乸賣,但係冇鮟鱇魚公賣,聽完提示之後,唐詩詠信心十足話:「太有信心喇!我好明白男人!」C君都話唔知點解關明白男人事,總之佢哋估鮟鱇魚公交配完就會萎縮同死亡,Do姐都判佢哋答啱嘅,因為原來雄性鮟鱇魚喺交配過程中會溶解,溶剩個生殖器官,依附喺雌性鮟鱇魚嘅身體上。而喺節目花絮度就見到,C君再重申:「呢個答案係經唐詩詠話對男人好有了解,所以得出嚟!」Do姐就話:「唐詩詠係好女仔嚟,但佢需要再了解多啲雄性先去拍拖。」聽完依句,C君就似有所指咁問:「咁究竟死咗嗰個係邊個?」係囉,到底條鮟鱇魚係「洪姓」定係「雄性」㗎?