娛樂

2018年11月15日

2018/06/25 (週一) 12:00上午

明抽暗寸 周杰倫 緊貼張學友成「罪犯剋星」

唔少粉絲為咗見偶像一面,無論上刀山落火海,都在所不惜!甚至有罪犯不惜畀人拉,都要博一博入場一睹偶像嘅風采!繼歌神張學友被封為「罪犯剋星」後,連台灣天王周杰倫(周董)都加入剋星之列!今次已經係周董第二次做「罪犯剋星」啦,14年喺合肥開騷時,警察都捉到一名姓洪疑犯,佢仲話冇後悔因睇騷畀人拉!而今次周董喺福州舉行嘅演唱會,就有來自廣東的逃犯何某,千里迢迢趕到福州睇騷,點知就畀巡查賓館嘅民警發現兼捉拿歸案。何某仲苦苦哀求民警,話自己同女友都係周董十幾年嘅歌迷,仲夠膽問:「能不能看了我杰倫的演唱會再關進去啊!」唉,你咁神心都冇用啦,想見偶像一面嘅,就唔好作奸犯科,唔係到時難得求到一票,都冇得入場睇啦!