娛樂

2019年6月25日

2019/04/15 (週一) 12:00上午

新衫令舊患復發 古巨基提父母必喊

古巨基的《WE世界巡迴演唱會香港站Part2》前晚舉行第三場演唱會,獲父母、老闆楊受成及太太及關智斌等捧場。當唱到親情的環節,基仔提到因工作太忙而無暇與家人食飯,只能靠電話聯絡,他即忍不住哭着說:「媽咪每次打畀我第一句就問:『巨基,工作開心順利嗎?』爸爸打畀我話知我忙,不過聽到我把聲就可以安心去瞓。」大派洋葱,睇到人心酸!
完騷後受訪,基仔直言眼淺,每晚提到屋企人都忍不住哭,他說:「諗起爸爸喺電話入邊把聲,佢只係聽吓我把聲就安心瞓,我就一時感觸。」基仔表示每場騷都消耗好大體力,因為有部分新服裝質料好重,並謂:「第一套水晶衫重成80磅,好似孭住一個青少年唱歌。」又笑指每晚完騷就如打完一場仗,因腰部舊患會隱隱作痛。

;