娛樂

2017年8月24日

2017/08/11 (週五) 12:00上午

新筍盤 譚詠麟囝囝被揭攬女夜蒲

譚詠麟多年來一直少談家庭事,但他與紅顏知己朱詠婷所生的獨子譚曉風近日在牛津大學碩士畢業,難掩喜悅的譚詠麟終在網上晒合照,雖然保持神秘唔見囝囝個樣,但《e+娛樂》就找到不少譚曉風的生活照,進一步印證他是超班筍盤,更發現他和一名叫Rene的有錢女攬住去夜蒲,非常親密!

譚詠麟(阿倫)95年與女伴朱詠婷(Wendy)誕下譚曉風,不過阿倫多年來對家人極度保護,不但絕口不提家事,更遑論Post合照。譚曉風早年在英國GCSE考獲12A*,拔尖入牛津,近日工程科學系碩士畢業,所以忙於籌備演唱會的阿倫都專誠抽時間參加兒子的畢業禮,更在網上大晒「攬仔」合照,雖然譚曉風背對鏡頭,但對低調的阿倫來說已是一大突破。
除了學業成績贏在起跑線外,譚曉風舊年未畢業已經做老闆,曾跟同學創辦網頁公司Silo Funds Limited,協助大學畢業生申請資助及獎學金,雖然該網站現時已關閉,但他十項全能的條件已夠晒煞食,加上6呎身高及與老竇餅印般的外表,當然大把女仔想埋身。
同聲同氣
《e+娛樂》報道指,阿倫跟Wendy思想保守,一直都不想囝囝搭上鬼妹,而譚曉風原來亦與一名樣子甜美、年紀相若的香港女仔Rene好投契,而Rene自小已讀國際學校,同譚曉風可謂門當戶對。知情人士向周刊透露:「曉風好乖,唔會亂嚟,但佢同Rene行得好埋,因為佢哋兩個都有共同朋友,加上又係香港人同聲同氣,生活圈子好近。以前曉風返到香港,身邊一定見到Rene,雖然依家Rene去咗芝加哥讀大學,不過兩個都仲好Close。」
報道指兩人初次見面後,關係已相當要好,舊年聖誕節兩人更一同去夜蒲,其間譚曉風攬實女方,Rene亦相當受落地依偎在對方胸膛,舉止親密,似乎非朋友咁簡單。