娛樂

2019年3月22日

2016/11/01 (週二) 12:00上午

情侶Look洩「蜜」 何猷君袁紫僑認拍拖

小丑配邊個?當然是小丑女啦,無論戲裏戲外都一樣呀!今個萬聖節一個個小丑女空群而出,不少女藝人都扮埋一份,而組合少女標本成員袁紫僑就非常好彩,搵到自己的小丑,就是賭王四房兒子何猷君,兩人以情侶打扮去哈囉喂,更被影到十指緊扣同攬腰,Sweet成咁,都冇得唔認拍拖啦!

賭王四房公子何猷君年紀輕輕,感情生活已非常精采,跟都跟唔切。自去年跟新加坡女子組合BY2成員白緯玲甩拖後,他曾撻着有錢女Kimmy,分手不久,猷君又被影到與混血索女親暱行超市,不過最近又有新歡,正是少女標本的成員袁紫僑(CoCo),似乎猷君特別鍾情女子組合的成員。
日前兩人以電影《自殺特攻:超能暴隊》的「小丑」及「小丑女」造型現身海洋公園,又在網上晒合照,本來網友以為兩人只是Friend底,但他們卻被影到十指緊扣,猷君更攬住CoCo纖腰,情侶關係呼之欲出。
而CoCo之前曾決絕指與猷君冇發展空間,不過今次被影到手拖手,她終於改口風,認與男方拍拖冇幾耐。CoCo向傳媒表示自己同猷君認識兩、三年,近日才開始發展,原本想低調處理,不過被人影到,而男友亦冇要求她封口,所以就承認戀情,而猷君知道女友公開認愛後,都直言冇乜好否認。

https://www.instagram.com/oops_coconut