娛樂

2017年8月20日

2017/04/21 (週五) 12:00上午

張繼聰用聲音取悅囡囡

謝安琪上月為張繼聰誕下愛女張靖(Karina),據《e+娛樂》報道稱Karina快將滿月,夫婦倆早前炮製一首新歌作為囡囡的滿月禮物,大仔張瞻更首度獻聲,與父母一起合唱。昨日張繼聰出席活動時雖然否認,但卻認為呢個想法都幾溫馨!

張繼聰上月再度榮升爹哋,太太謝安琪剖腹誕下女兒Karina。據《e+娛樂》報道稱,為了慶祝Karina滿月,愛錫囡囡的兩人決定炮製一首獨一無二的新歌,除了由張繼聰一手包辦作曲填詞外,就連大仔張瞻亦將會吹口琴伴奏,一家三口首度合唱,認真溫馨!
而張繼聰昨日出席活動時,對於作曲予女兒一事,他例牌否認:「冇咁嘅打算,但都好多謝雜誌嘅想法,都幾溫馨,我只係有時扮吓卡通人物聲,用聲音奪取個女嘅芳心。」他又透露太太暫時未有復出計劃,估計約1年後。本周六就是囡囡滿月,可惜張繼聰要拍劇,他大呻:「我冇得同佢慶祝,惟有佢哋自己慶祝啦!依家每日出門口都唔捨得個女,太太就派糧畀我,即係傳相畀我睇。」