即時

2018年12月17日

2018/06/15 (週五) 01:39上午

崔始源主動求合照 鄧麗欣興奮冀合作

韓國型男崔始源昨日再度襲港,甫現身活動時,見到在場逾百名粉絲一早守候,他識做地跟大家玩自拍,就連同場的鄧麗欣都被他吸引,大讚對方靚仔又Nice,更盼雙方有機會合作。

韓國天團Super Junior成員崔始源、鄭秀文(Sammi)、鄧麗欣(Stephy)及徐濠縈等,昨日於中環出席品牌腕錶展覽。甫現身活動場地,Nice爆的始源即識做地上前同粉絲及途人玩Selfie,非常親民!受訪時,他透露正忙於新專輯,稍後將到美國拍電影,問到是否荷李活電影?他說:「會有,都會有中國、韓國電影,公司依家開會傾緊,遲啲會公布,我依家喺韓國有時間就努力學好國語。」又盼明年再來港開演唱會及粉絲見面會。

而Stephy直言首次跟崔始源見面,大讚對方靚仔及Nice,她興奮道:「我第一次見佢,佢仲主動行過嚟同我影相,真係好靚仔,同埋估唔到佢中文原來講得咁好。(係咪你杯茶? )最重要係靚仔。」Stephy坦言希望有機會跟對方合作。

此外,穿Deep V連身裙晒事業線的Sammi,透露身為足球迷的老公許志安將隨明星足球隊,飛赴俄羅斯睇世界盃,又大爆:「佢好興奮,晏晝好有興致去咗坪洲影相,之前佢話扭親腳要『掛靴』,但我問佢唔係好勁嘅人先掛靴咩?」