娛樂

2018年10月20日

2018/05/18 (週五) 12:00上午

少年偶像係岳少大劉 黃浩:又多錢又多女

很多人都知道黃浩(Kenny Wee)是一位傳媒機構老闆,一位成功商人,他有一位香港小姐太太徐菁遙(Suki,前名徐淑敏),有3位可愛女兒,不少人認為他是含着金鎖匙出世,到底他的成長是怎樣?他的出身又是怎樣?撰文:林凱妍|攝影:甘承威

《GossipGossip八八通》節目《Wee Chat》請來嘉賓主持Bob(林盛斌),一連5集與Kenny 暢談,發現原來Kenny在居屋成長,少年時已視岳少(林建岳)和大劉(劉鑾雄)為偶像,雖然他覺得現時比兩人還差很遠,但會繼續向目標進發。無論你出身木屋、屋邨、居屋,只要有理想、有信念,一定會夢想達成!

立志做警察
講到夢想,原來年少時的Kenny就像個小男孩一樣,正義感爆棚,立志做警察,警惡揚善,「第一份工想做警察,我考完警察之後同媽咪講,要入營訓練,但因為嗰時90年代,時勢比較亂,佢就反對,咁就算啦,夢想同家人,我當然選擇家人啦!」
雖然要被迫放棄英雄夢,但諗頭多多的Kenny何止得一個夢,「仲有兩份工我好想做,第一份係空中少爺,一來可以周遊列國,二來有好多靚空姐,我就諗住考空中少爺,諗咗一陣,就覺得不如做導遊,導遊可以搵多啲錢,呢一行係行佣金制,仲有空中少爺主要喺飛機上面做嘢,落咗機就冇嘢做,做導遊我就可以跟住師傅,我好鍾意旅行,所以想做導遊,但再諗一諗,我喺澳洲讀過書,不如做一啲同自己讀過嘅科目有關嘅工作,之後先做導遊!」

顧家的男人
雖然警察、空少和導遊最終都做不成,但現在的Kenny卻依然很成功,以兩位偶像岳少和大劉為目標,「當時喺澳洲番嚟,睇到報紙雜誌上面嘅岳少同大劉,我覺得好勁,又多錢又多女,好想有!」即使Kenny謙稱自己距離偶像還差得遠,不過亦一步一步地邁進。
眾所周知Kenny愛車,自小的願望就是擁有一輛私家車,「之後去咗澳洲讀書,嗰時因為地方大,我又考到車牌,就咁就買咗部私家車!」若果問愛車之人,人生只能擁有一部車的話,想必答案離不開林寶堅尼、勞斯萊斯或法拉利,但Kenny卻說:「一定係七人車,因為全家可以一齊坐,好方便,其實依家去旅行都一定租七人車,車住媽咪、家姐、太太、3個女啱啱好。」果然是個愛家顧家的好男人!