娛樂

2017年9月20日

2017/05/19 (週五) 12:00上午

大方黃心穎強調 唔呷馬國明醋

唐詩詠與洪永城分手掀起全城熱話,一眾網友就希望「契哥」馬國明追唐詩詠,不過已有新歡黃心穎的馬國明就嗌唔好拖佢落水, 而黃心穎昨日出席活動時就大方表示冇呷醋,仲話:「咁都呷醋,咁我應該唔係一個好好嘅女仔。」好有氣勢!

最近跟馬國明(馬明)傳緋聞的黃心穎昨日偕麥明詩、陳凱琳、朱千雪等出席《2017香港小姐競選》記者會。提到唐詩詠與洪永城正式宣布分手,一眾網友希望「契哥」馬明力追唐詩詠,惟馬明卻劃清界線謂:「唔好辣埋我!」前晚再次被拍得跟黃心穎拍拖睇戲,擺明向對方派定心丸,難怪黃心穎昨日都表示冇呷醋,更向外界宣示主權說:「如果咁都呷醋,咁我應該唔係一個好好嘅女仔。我都明白網民嘅心態,但幻想同真實係兩樣嘢。」不過她繼續堅稱還未跟馬明拍拖,那麼會否加快發展速度來奠定女友地位?黃心穎說:「呢啲係兩個人嘅事,唔會因為其他人講啲乜而改變。」
至於「十優港姐」麥明詩盼更多靚女出來參選,問到可會提醒佳麗參選前清理一下社交網?她笑道:「應該要由出世開始就唔好喺社交網亂咁講嘢,因為就算刪除咗,都會有啲神通廣大嘅朋友將啲嘢Send畀記者,貼士係最緊要識啲好嘅朋友。」