娛樂

2018年12月20日

2017/05/29 (週一) 12:00上午

咩年代? 媽咪棒打鴛鴦 林穎彤堅拒與容天佑復合

林穎彤早前宣布再度與容天佑分手後,昨日首次出席公開活動,她強調今次係「真. 分手」,除因二人相處有問題,林穎彤直認媽咪有畀壓力,希望她以事業為重,個人成熟同穩重啲再拍拖都未遲喎!

張智霖(Chilam)昨日偕林穎彤(Bella)及鄧佩儀等出席護膚品牌活動,提到早前返無綫為品牌拍宣傳片,久未踏足電視城的Chilam直言有興趣回巢拍劇。談到將與黎明、陳小春於添馬艦開騷,並以香港情懷作主題,Chilam透露屆時三人會有好多互動,又自爆最愛吃港式街頭小食,更不時跟太太袁詠儀掃街,他說:「我經常都會喺銅鑼灣掃街,啲人見到我都好友善,唔會阻住我掃街。」
至於早前宣布跟容天佑再度分手的Bella坦言受媽咪施壓,二人已分手一個月,但再見亦是朋友,她說:「今次再分手就唔會再復合,我諗得好清楚先做呢個決定。(媽咪唔鍾意你男友?)佢唔想我拍拖,因為我事業剛起步,怕我會分心,佢都係擔心我,想我成熟啲同個人穩重啲先拍拖。」