娛樂

2018年9月23日

2018/06/14 (週四) 12:00上午

吳鎮宇爆張繼聰為佘詩曼練大隻

張智霖(Chilam)、佘詩曼(阿佘)及吳鎮宇等等前晚出席電影《洩密者們》首映禮。席間,吳鎮宇大爆阿佘和張繼聰於車中有親熱戲分,又笑指張繼聰為此而練大隻。阿佘聞言時哈哈大笑說:「呢啲戲全部都見到樣㗎,所以都要親身上陣,講緊唔係車震呀,只係追車戲咋!」鎮宇繼續搞笑道:「張繼聰仲話下一世想同你有多啲對白。」阿佘即沒好氣更正:「係下一次呀。」
另外,Chilam和鎮宇在戲中都有不少追車戲,Chilam透露拍這類戲分會找替身,他坦言:「本身嘅駕駛技術唔似得錢嘉樂咁叻,自己知自己事,驚害咗其他人。」鎮宇直言除非要拍到個樣才會親身上陣,否則都選揀用替身,並憶述:「有導演叫過我拍場由一樓跳落嚟嘅戲,我話有替身在場,就交畀佢去做,導演就話我矜貴,結果替身拗柴,最後自己拍番!」