娛樂

2019年3月22日

2018/12/17 (週一) 12:00上午

取消握手怕傷舊患 劉德華被吊高直言淆底

一連20場的《My Love Andy Lau 劉德華 World Tour》跨年演唱會前晚開鑼,闊別紅館8年,歌迷氣氛高漲之餘,最驚喜是太太朱麗倩罕有帶埋囡囡向蕙公開於台前捧場,同場還有華仔的父母。
華仔全晚出盡渾身解數演出,席間亦感激歌迷對自己的不離不棄,自去年初墮馬意外後,華仔曾表示懼怕做危險動作,不過為與山頂的歌迷更近距離接觸,他竟然企上只得一個人身位的吊台,最高吊到成四層樓,環繞紅館轉,認真睇到心驚膽跳!
完騷後,華仔於後台接受訪問,對於自己的表現,他坦言:「有啲興奮、有啲緊張、又有啲攰,啲觀眾真係不得了,見到佢哋咁開心,會令到我好忘形。」談到太太與囡囡首次大方捧場,華仔笑言:「費事你哋亂寫,堂堂正正睇咪仲好,阿女都係第一次睇演唱會。」談到他被吊上半空的一Part,華仔表示其實個台仔好安全,只是視覺上感覺「牙煙」,然後就自爆:「其實自己都有啲淆底,不過體力還好,可以撐落去。」而今次未有安排握手環節,華仔解釋:「醫生話我依家最驚係突然Chok親,所以就算坐車都要叫司機唔好突然煞車,後面車撞埋嚟係最危險,依家坐車都驚!」